لا تقطفي. .بقلم الشاعر. .صبحي ياسين

زمن الشغب والمشاكسات

.

بالعامية المصرية

.

.

.

تقسى علي.. كأنه حنان..

تعمل عاقل.. اشوفه جنان..

تضحك أزعل.. تزعل اضحك..

كل معاكسة وليها فنان..

تسكت أحكي.. وتحكي اسكت..

وانا حابسة من الحكي أطنان..

ولما بتغضب.. بفضل أحايل..

وان ترضى.. تزعلني كمان..

طيب يعني.. يا ريت تفهمني..

وتبطل زن يا زنان...!

انت ف وادي.. وانا ف وادي..

والدنيا ملياها غيلان..

عايزة تاخدني.. وتاخدك مني..

وتبعدنا وتشمت وكمان..

ليه ما نصالح.. بعض يا فالح..

ونعطل على عدو سهران..

نفسه يذل الحلو ويقلب..

مره علينا وقبل أوان..

انا من عندي.. حافظة لعهدي..

وانت يا ريتك.. بر أمان..

يلا نخلي الدنيا تسلم..

عاللي بحظه عاش طهقان..

ونسعد قلبه ونبهج يومه..

واهله وعيلته ف كل مكان..

ايدي في ايديك.. نصلح لوحة..

عجزت عنها زنود فنان..

ونوضبها.. ونزينها..

ونهديها لبني الانسان..

واللي ف قلبي.. مش متخبي..

ورضى ربي انا بيه طمعان..

.

بقلمي:

ريمة معلا 

همس الظلال

.