لو حتى انا هكتب بالدم مش حـــــــبرى
وافضل اقول وامدح مجمل سنين عمرى
م العمر موهوب لك ياحبيبى من بـــدرى
م انا م الصغر عاشقك لسَكَن تراب قبرى
وايه يعنى ف سنينى أويومى أوشــــهرى
غير قلب متمنى نظرة لنور يســــــــــرى
يطفى له شوق قايد وأناقلبى فيه جمــــرى
وانا نفسى ف احلامى يحلى مرار صبرى
والمح جمال طــــــه ف السر أو جَـــــهرى
لو دنيتى سألت عن عــــــزتى وفخـــــرى
أنا عزتى ف دينى لو حتى طال قهـــــرى
على امة مجروحة ف سجودى انا ف فجرى
بدعى الاله خاشع وانا حانى ليه ضــــهرى
عبدك كسير حُبّه وانت عليك جـــــــــبرى
عاشق تراب مكة حتى ولو مصــــــــــرى
مش كره لبلادى ولا مجـــريات عصـرى
نفسى البقيع يصبح قبرى وحدود قصرى
لو ف الجنان حورها حب الحبيب مهرى
عاشقك انا يااحمد اعداد نفس صــــــدرى
صلى الله عليه وسلم
