لا تقطفي. .بقلم الشاعر. .صبحي ياسين

وأنا صغير

وأنا صغير قالولي كتير
بلاش تحلم ولا تفكر
ولا تعتل هموم بكره
ولا تنفخ في نار قايده
ولا تسأل ف مره سؤال
في جوف الليل ح يتكسر
وعيش العمر متغندر
ده متقدر ساعات حنضل
ساعات سكر ولو تقدر
ما تتكدر
في عز الضيقه روح
روح كبر
وسيب الرب ف التدبير
وإزرع نخله او شجره
ف يوم تكبر وراح تثمر
وح تضلل في عز الحر
تتحمل لهيب الشمس
وفوق الغصن راح يسكن
عليها الطير
ووصوني على جاري
أكون حامي على عرضه
على ماله على داره
ووقت الشده أكون جنبه
في عز الفرح يلقاني
وقالوا كمان بلاش تبذير
وشم الورد ف أوانه
ولما كبرت وإتسطر
ربيع عمري في كام دفتر
لقيت الطين بيتألم
ولون الارض متغير
وشفت الحق متصلب
ومتكفن بشال أسود
ومش مسموح لي إني أبكي
على حالي ف يوم أخبر
وممنوع إني أتوضى
وأصلي ف أرضي وأكبر
وشلت الهم من بدري
عطشت كمان وقلت أصبر
رويت الورد من دمعي
عشان البحر متعكر
ولون الميه مش عادي
بلون دمي صبح أحمر
ناديت جاري ناديت أهلي
لقيت جاري سكن داري
وحرم أهلي عشب أخضر
على طيري اللي كان راضي
ومن ظلم البشر أجبر
يسيب الغصن ف العالي
ويدهن شكله ب الماسكر
ويهجر عشي وزماني
زمن فيه الشجر أسمر

بقلم /طارق شامخ عبد الجواد