الفطير المحشو بالعصاج والجبن
المقادير
كيلو دقيق
2 ونصف كوب ماء دافي
معلقه كبيرة بيكنج بودر
ملعقة كببرة ملح
ملعقة كبيرة سكر
الحشو :مثل ما تحبي
– خضار ( طماطم – فلفل الوان – زيتون اخضر واسود – جبنة رومى مبشورة وموتزاريلا )
– مشروم
– قطع فراخ صغيرة بالكارى و متشوحة
– سجق متشوح مع فلفل و بصل
– تونة+فلفل الوان
_شاورما فراخ او لحمه
– زيت لفرد العجينة
– سمنه لدهن الفطيرة
الطريقة
نعجن الدقيق مع الماء و الملح والسكر والبيكينج بودر كويس جدا بالعجان حوالي ربع ساعة لو باليد حتى تبيض العجينة معك
نقسم العجينة كورو نسيبها ترتاح لمدة ساعة ع رخامة مدهونة بالزيت
ناخد كورة نفردها كويس قوى بالنشابة على الرخامة لتبقى رقيقة جدا مع شد الاطراف لفتح العجينة
تبقى شفافة جدا على الرخامة ومش مهم لو اتقطعت
ندهنها بالسمن كويس
نثنى الطرفين المتقابلين على بعض بعد دهنها عشان اللى تحت الحشوة يكون قوى
نضع الحشوة المختارة ونطوي عليها الطرفين الاخرين ونبططها براحة اليد
ندهن صاج الفرن زيت خفيف ونضع الوجه الظاهر الثنيات اسفلها
نشعل الفرن والشوابة معا ع حرارة 220 °
حتى تحمر من الجهتين .. ندهنها حليب فور خروجها من الفرن
وصحتين وهنا مع @@@ سلوى و ليالي @