خودلك ساتر
***
والله ما اعملك خاطر
غير لما عشانى تخاطر
ايام ما سامحتك فاكر
كات نوبه امنت لماكر
**
على جنب
وخودلك ساتر
دنا قبلك. هنااا من باكر
اجرى العب يلاا يا شاطر
كهربا روح شد الكوبس
او تقعد افتحلك بيبس
*
اجرى العب يلا يا شاطر
على بيتكم يلا و سافر
على خالتك حنفى عساكر
راجع من تانى . تعافر ؟!!
*
دنا حافظ طبعه مذاكر
ده حليوه وعادته يغادر .
**
يتخطى الخطوه وتندم
وفروض الطاعة تقدم
يتلف الدنيا تكلم ..
روحك بالبلدى وتلطم
علشان ابعتلك غمزه
ولا حتى اهمسلك همسه
يا سلام لو لمس اللمسه .
يفرح من واحده لخمسه
يرقص فحوارى فرنسا .
*
انا حافظ طبعه مذاكر
ده حليوه وطبعه يغادر
ك "القط" مسيره يهاجر
****
بقلمى
بهاء اللبودى
