بنت الأصول
يا أبن الناس خدها مني نصيحة
خد بنت الأصول ولو بياعة جرجير
صاحبة المال والعز ف اول عثرة ليك
مش هتصبر وهتبيعك وتخلعك وتطير
وصاحبة الجاه والفخامة مش توبنا
لا ليها ف سوق ولا تموين ولا طوابير
وهتقولك أوعي تنسي ان انا بنت وزير
والحلوة قوي قوي مشكلة برضه هتتعايق
وهتقلق راحتك وحياتك وهتتعاكس كتير
اختار صح بجد .. ده الموضوع خطير
دي بنت الأصول راضية وحامدة وشارياك
وع الحلوة والمرة .. علي طول وياك
وتعيش ملك .. ولو هتنام ع الحصير
----------------------------------------------
بقلم : عصام أبراهيم
6 - 2 - 2016
