لا تقطفي. .بقلم الشاعر. .صبحي ياسين

الصبر مفتاح الفرج
........................
ليه دايما مستعجلين على غيرنا
و لو كنا ف مكانهم ما كنا استعجلنا
ليه دايما مستعجلين على غيرنا
و قاعدين ف مكانا و عايزين كل حاجة تجيلنا
العيب فيهم و لا فى جيلنا
ليه دايما مستعجلين على غيرنا
و نلوم عليهم و نقول كتر خيرنا
كتر خيرنا إن احنا حبناهم
طب ما تزعلوش لو احنا خسرناهم
كتر خيرنا إن احنا اخترناهم
طب ما تناموش لو احنا استخسرناهم
زمان قالوا الصبر مفتاح الفرج
ليه يا شاب الصبر من قلبك خرج
و لو قلبك حاب كنت صبرت ع العرج
زمان قالوا الصبر مفتاح الفرج
و لا انت عاجبك يا شاب الهرج و المرج
زمان قالوا الصبر مفتاح الفرج
ما نصبر حتى ع اللي أذونا
يمكن ف يوم يعوزونا
و الصبر لله مش لغيره
و هو وحده كتر خيره
و اللى ما نقدر عليه يقدر عليه ربنا
يا ريتنا زى نوح فى صبرنا
كان زمانه جبر بخاطرنا
و خدهم و زاحهم عننا
رب إنى مغلوب فانتصر
يا ريتنا نصبر و ننتظر

محمد أبوالمعاطي