انا فعلا يعني بجد قرفت
وحياتي بتشبه لون الزفت
او ممكن يعني اغمق حبه
او حتي كمان يعني شويه
طول عمري بحب حاجات يعني
وبتطلع دايما مش ليا
انا عارف ان انا مش وحدي
وف نااااس/ تشبهني كتير
بنلاقي الشر اكيد دايما
مع ان بنزرع يعني الخير
_______________
انا واحد تايه ف الدنيا
وبضبش ف الموج العالي
انا بحلم وبعيش ع قدي
والحلم مقاسه مش قدي
والاقي الحلم يكلمني
ويقولي السعر عليك غالي
_________________
حتي الاحلام ليها تسعيره
والدقن الزيف تبقا العيره
بتحرم ف حلال السنه
وتحلل شربنا للبيره
______________
انا اصلا احلامي كتيره
مختومه بعكس التأشيره
مرهونه ف حضن الاحلام
ودوايه بجد انا لما ازهق
علي اوضتي بدخل وبنام
________________
ولا عمري سألت ف مره الشيخ
ولا عمري سألت ف يوم كاهن
انسان متعوس يشبه لكتير
بيعيشوا ف وطنا الراهن
راهن احلام علي شماعه
وف ودنه مركب سماعه
قال يعني سمعه ده بعافيه
وخطاب ع الشاشه الكدابه
ف رشده بجد ومش شافيه
_________________
بتسكن يعني لبعض الوقت
انا كنت مغيب بس انا فوقت
________________
ولقيت مستقبل لا يقبل
غير ان نعيش يعني ضحايا
احلامنا بتشبه لحبووب
ووطنا بيشبه لرحاااايا
بيكسر فينا وبقوه
والحجر الداير ده فتوه
وبينزع كل الاحلام
بجدورها فعلا م جوه
انا نفسي بجد ف حلم بسيط
شغلانه شريفه وسقف وبيت
وكمان البنت ال حاببها
اخطبها بجد واكون وفيت
هتلاقي كتير ف شباب شبهي
مجموع احلامهم حلم بسيط
وذكرت الحلم ده فوق يعني
هتلاحظ يعني ان كنت قريت