وحق المُصطفى طه
لاخلى جزمتك تــَاجى
وابوس الارض من تحتك
واخلى ترابها مكياجى
ومش مكياج بتاع انثى
وساكنه ف برجها العاجى
دى ريحةْ الجنة ياأمى
لرب العرش بتناجى
جعلتْنى تحت اقدامها
تروح ف الارض او تاجى
انا اتحرمت على عاصى
لأمُّـــــــه بكل انتــــــاجى
ترد النار على الجنة :
ومنى ينسى افراجى
عن المسجون ف نارحامية
وينسى ف ضلمتى سراجى
ورد المولى سكِّتْهم :
عشان ممشيش بمنهاجى
عرفتى ليه انا حالف
اخلى جزمتك تاجى
لانى بقلبى بتكلّم
ومش حبكة ف اخراجى
يارب ف عمرها طوّل
دى هى الطب وعلاجى
***************************
