حضنك يا أمى
حضنك يا امى فيه الحنان ينبوع
واحس لما تضمى ابنك بين الضلوع
وبفرحتى تهتمى وتدارى اى دموع
ده انتى الحنان كله والبركه فى ايديكى
ولقلبى كما ظله وانا حقك ما أوفيكى
رضاكى ياامى اتمنى اوصل له ابوس اقدامك وبعمرى افديكى
طول عمرى ياغاليه عايش على خيرك وبدعوتك ارتاح
علمتى اولادك تمشى ف خطى سيرك ولمسه من ايدك تشفى لى كل جراح
سهرك طوال الليل اجهد اساريرك وحضنك الدافىء يقابلنى بالافراح
ده انتى الحياه كلها يانعمه من الرحمن
ياربى يطول عمرها بالسعد والاحسان
واشرب انا بعدها من حوض رسول عدنان
بالبر انا وعدتها وعدتنى بالجنه نعيش سوا فى امان
شعر احمد اسماعيل \ شاعر العرب
