لا تقطفي. .بقلم الشاعر. .صبحي ياسين

قصيدة:(الجنيه)
....................................................
تعالي يا حجه تعالى يا بيه
تعالى اتفرج شوف على ايه
أصل احنا عملتنا جنيه
ملهاش عازه فدنيا بانيه
بصي يا حجه بص يا بيه
انا بلدي عملتها جنيه
عمله مش جايبه حتى
حق المعدن اللي معموله بيه
عمله حكولي عليها زمان
كانت فاتحه بيوت إنسان
وتأكل أشكال وألوان
وبتشتري يجي 100 فدان
بس بقول دي كانت ايام
لما حكولي عليها زمان
لما كان الجنيه السيد
وباقي العملات كانت فان
بس  دلوقتي
إتغيرت الأحوال خالص
والعكس الصح يا فنان
كل العملات بقت الساده
إلا جنيهنا بقى الفان
بقي ميجبش رغيف طعميه
ولا يدفع مكوه قفطان
بقي لو جيت تتصدق بيه
وتديه  لشحات
هيقلك الله يسهلك
أصل اللي فأيدك ده مات
بتقول  إيه
ألف رحمه عليك يا جنيه
راحت  عمله
يبقى خلاص راحت دولتها
وتبقى خلاص خلصت حكايتها
تعالي يا ست تعالى يا بيه
  أصل احنا عملتنا جنيه
......................................................
بقلم الشاعر/ هشام الدكر