كنت عايش لحبك
وكنت فاكر ان قلبك
نيل يعدى م السدود
.
كنت بانى قصر عالى
كنت بأحلم فى اليالى
وإخلاصى ملهوش حدود
.
تخيلتك
تخيلتك ورود فى بستانى
وغنيتلك كل الحانى
وكان الوتر مشدود
.
وياما سهرت فى ليلك اغنى
وكان طيفك قصاد منى
وصدى همسك يروح ويعود
.
سهرت والنجوم مصحبانى
والقوافى كانت مطوعانى
وربنا بيجود
.
ولما كانوا بيسألونى
اقول حبك نور عيونى
إبعد بقى ياحسود
.
وفجأة
وفجأة ظهرت خيانتك
وضاعت منك وسامتك
وسقط الحب م العنقود
.
راجعة ليه تانى
انا حطمت احزانى
وحبك ماعاد منشود
.
وجف قلبى م المنابع
لما جيدك لغيرى تابع
خلاص ماعندى وعود
.
خلاص عدا زمانك
ونسيت كل الحانك
ومن غدرك كسرت العود
.
ومزقت كل اشعارك
ورميتها جوار دارك
وقلبى ماعنده ردود
*
بقلمى فارس بلاجواد
