لا تقطفي. .بقلم الشاعر. .صبحي ياسين

" تيران و صنافير .. والجدل "

الجزيرتين دول ماهم الا جبلين في وسط البحر لا يوجد عليهم اي حياة او حتى شجرة واحدة و طبيعتهم صخرية
لا يوجد بهم الا نقطة شرطة تابعة للأمن المركزي و الحياة فيها صعبة جدا و في نقطة تانية فوق جبل تابعة للأمم المتحدة بيوصلولها بطائرة هوليوكبتر فقط
أهمية الجزر دي فقط أنها في مدخل خليج العقبة
الجزر دي الملك فيصل اهداها للملك فاروق لوضع حماية عليها من القوات البحرية المصرية في مواجهة اسرائيل علشان دي الطريق الوحيد لميناء ايلات
و اسرائيل كانت احتلتهم فعلا في 1967 و رجعت تاني لمصر سنة 1979
بعد اعلان انشاء الكوبري اللي هيربط بين مصر و السعودية طبعا أكثر حد هيضر من الكوبري ده هي اسرائيل علشان هيأثر على صادرتها النفطية من ميناء ايلات
فالكوبري في الحالة دي هيكون تحت التهديد و لازم حمايته
مصر وفقا لأتفاقية كامب ديفيد دورها كان على الجزيرة دي هي نقطة الامن المركزي - حيث انها تقع ضمن المنطقه (ج) -اللي تسليحها عباره عن 20 بندقية وطبعا الكلام ده ميحميش الكوبري من اي هجوم
السعودية مفيش بينها و بين اسرائيل أي معاهدات
يعني لو عملت على الجزر دي قواعد صواريخ بكرة الصبح محدش هيقولها ثلث الثلاثة كام
الهدف دلوقتي هو حماية الكوبري اللي هتكون حجم التجارة الدولية عليه 200 مليار دولار سنويا و هيفتح ابواب خير على مصر اكتر من السعودية
و الناس اللي عمالة تقول الدولة العثمانية و 1906 و حدود مصر و الكلام الفاضي ده .
تعالوا نشوف خريطة مصر من سنة 1800
خريطة مصر سنة 1800 كانت سيناء كلها تابعة للجزيرة العربية ما عدا الجزء الشمالي حتى غزة و الحدود الجنوبية مع السودان حتى و حلايب و شلاتين و الصحراء الغربية كانت ثلث مساحتها فقط
http://www.history-map.com/picture/003/pictures/Arabia-Egypt-part.jpg
محمد علي حكم مصر عام 1805 و قرر انه يحارب الوهابيين في الجزيرة العربية علشان كانوا عاملين مشاكل للدولة العثمانية
و بدا الحرب عليهم عام 1812 حتى 1815 و ضم جزء كبير جدا لمصر من الجزيرة العربية حتى مكة و المدينة كانوا تحت الولاية المصرية
ده غير انه توغل في جنوب مصر حتى أثيوبيا و منابع النيل
خرجت قوات محمد علي من ارض الحجاز عام 1840 و تم ضمها بعد ذلك للدولة العثمانية بتركيا
تم تأسيس المملكة العربية السعودية عام 1932 و تم رسم حدودها من جديد وفقا للشكل الحالي
عام 1950 و لأن السعودية لم يكن لديها قوات بحرية قوية بما فيه الكفاية قام الملك فيصل بوضع جزيرتي تيران و صنافير تحت الحماية المصرية مع رفع اعلام مصر عليهما لحمايتهم من اسرائيل التي كانت تسعى للسيطرة عليهم لتأمين دخولها لخليج العقبة حتى تم الاستيلاء عليهم عام 1967 و تم استرجاعهم في عام 1979
محدش بقى يجي يعمل عليك ناصح و يقول لك اصل سنة 1905 كانت جزيرتي تيران و صنافير مصرية و ده الاصل علشان اصل الأصل هما سعوديتين تابعين للجزيرة العربية
طبعا وفقا لاتفاقية كامب ديفيد مصر متقدرش تحط قوات عسكرية و قواعد صواريخ علشان تحمي الكوبري لكن السعودية مفيش اي اتفاقيات بينها و بين إسرائيل ، و علشان كدة الوضع الحالي يتطلب اعادة ترسيم الحدود البحرية مرة أخرى بعد 67 سنة لحماية الكوبري اللي هيكون صداع في رأس اسرائيل و المصلحة الكبرى هتكون لمصر في هذا الموضوع مع حجم تجارة غير مسبوق و مصر هتكون بوابة أفريقيا لآسيا غير أنه هيكون وسيلة ضغط جديدة على أسرائيل و هو ما يحزن عملائها في مصر ..

رجاء لكل من :
1) لا يعلم حقيقة الأمر .. ابحث .. إقرأ .. ثم كون رايك
2) من يفتي .. لا تفتي بدون علم أو درايه .. وإذا كان ولابد أن تفتي - حيث أنه مرض أعلم تماما بأنك تعاني منه - فارجوك افتي بما يحلو لك بعيدا عن التاريخ والجغرافيا
3) من يحاول تصفية حسابات مع النظام ، واستغلال عدم إلمام الكثير من الناس بأصل الحكايه  أقول لك .. العب بعيد ياشاطر .. ليس فى العقيده العسكريه المصريه مفهوم " بيع الأرض "
4 ) الحكومه .. النظام .. المسؤولين .. لا اخلي مسؤليتكم  عما حدث من لغط في هذا الامر .. وكان لابد أن يتم التمهيد لهذا الأمر جيدا .. حيث من حق الناس .. كل الناس .. بمختلف انتماءاتهم .. إن يعرفوا اصل الحكايه من بدايتها حتى لايفسر الأمر - كما هو حادث الآن - على أنه مجرد صفقه مع المملكه نظرا لحالتنا الاقتصاديه الراهنه
5) إلى السيد / رئيس  الجمهوريه .. اتفق أو اختلف معك .. اقدرلك هذه الخطوه والتي اصفها بأنها " حركه ساداتيه " ولكن .. واضح انك مازلت تتعامل بعقلية رجل المخابرات .. يعني بالبلدي كله فى الكتمان لحين ميسره .. أقول لك .. هذا لا يصح ولا ينفع مع شعب انتخبك .. يعني برضه بالبلدي .. ماينفعش نصحى الصبح ونعرف أن سيادتك أصدرت قرارات بالليل واحنا نايمين ولازم ننفذها اول مانصحى .. احنا انتخبناك يا ريس .. آه .. لكن لم نعطيك تفويض على بياض .. اعمل حساب لوجودنا شويه

" استقيموا يرحمكم الله "

محمدعلى النقلى