الحلقه الأولى من مسلسل يا عمرنا
يارب يعجبكم
مشهد (1) ليل خارجى
صورة عامه لمدينة الإسكندريه
البحر والشاطىء
ــــــــ قطع ـــــــــ
مشهد (2) ليل خارجى
لا فته مكتوب عليها مستشفى دكتور سامح التخصصى
ــــــــــــ قطع ـــــــــــــــ
مشهد (3) ليل داخلى
داخل المستشفى / أمام حجرة العناية المركزه
حياة سيدة فى أوائل العقد الثالث من العمر بملامحها الحلووة الحزينة كانت واقفة أمام باب حجرة العنايه المركزه تنظر فى ترقب وقلق تاره وإلى زكريا الرجل الذى كان فى أواخر العقد الثالث صديق زوجها صبرى وزوجته سعاد التى كانت فى مثل سن حياة وهى تربت على كتفها فى إشفاق وأسى
زكريا يقطع الصمت وفى نبرة محاولة بث الطمأنينة :
إن شاء الله خير يا حياة
صبرى حيبقى بخير
حياة فى صوت مبحوح مختنق :
قولته بلاش المشروع ده مش عاوزينه مسمعش كلامى وأدى النتيجة خسر كل حاجة وربنا يسترها عليه
حياة تبكى فى صمت وتتضرع إلى الله
حياة فى دعاء صادق :
يارب نجيه عشان خاطر حبيبك النبى محمد عليه الصلاة والسلام
عشان ولاده مالهمش غيره يارب
سعاد فى مواساه :
إن شاء الله حيبقى كويس و............
سعاد تقطع عبارتها لما الطيب يظهر وعلامات الحزن على وجهه
حياة تنظر للطبيب وتكتم الشهقة القويه بكفها وتلتصق بجدار الحائط
الدموع تنهمر من عينيها فى صمت
زكريا يطرق رأسه فى ألم وسعاد تبكى فى صمت
الألم والمرارة على وجه حياة
ـــــــــــــ قطع ــــــــــــــــ
مشهد (4) نهار خارجى
منطقة المقابر
حياة واقفة عند شاهد زوجها ومعها ولدان الأول سته أعوام والثانى ثلاثه وإكليل الزهور موضوع حول قبر زوجها صبرى
حياة تنظر للطفلان فى حنان وحزن وفى نبرة خفيضة :
يالا قولوا لبابى مع السلامة
الطفلان يلوحا بكفيهما الصغيران
حياة تمسك الطفلان وتبتعد عن المكان
ـــــــــــــــ قطع ـــــــــــــــــ
مشهد (5) نهار خارجى
صورة عامة لحى السيدة زينب ومأذنه المسجد
ــــــــــــ قطع ــــــــــــــ
مشهد (6) نهار خارجى
السيدة زينب / شارع قدرى / واجهة عمارة قديمة
حياة تسير فى الشارع ومعها الطفلان وتدخل إلى العماره
ــــــــــــ قطع ــــــــــــ
مشهد (7) نهار داخلى
شقة حياة / الباب / الصاله
منار صديقة حياة بثياب المنزل واضعة المنديل فوق رأسها وممسكة بالمقعد الخشبى وريشه التنظيف تقوم بإزاحة الغبار عن المقاعد
وتنظر لجيهان التى كانت واقفة عند البوفيه أيضا بثياب المنزل ترتب التحف والمزهريه
منار فى نبرة منجزة :
يالا يا جيهان شهلى شوية حياة زمانها جايه مش عاوزينها ترجع تلاقى البيت مقلوب كده كفايا قلبه دماغها
جيهان تطلق تنهيدة قصيرة وفى نبرة أسى :
حد يصدق سنه عدت على موت جوزها الأيام بتجرى هوا وكله من عمرنا بلا حسرة علينا
منار تضع المقعد مكانه وتجلس عليه وتطلق هى الأخرى تنهيدة طويلة وفى نبرة بها الأسى والحنين
عينيها تكاد تدمع وعلى فمها إبتسامة
منار فى صوت متذكر :
أأأأأه كله من عمرنا فاكرة يا بت يا جيهان لما كنا بنتلم أنا وإنتى وحياة زمان فى أوضتها هنا أو عندك أو فوق السطوح ونقعد نضحك ونم ونجيب فى سيرة الناس ونقلد ونضحك واخدين الدنيا بالدراع ولا هممنا ولا المقالب إللى كنا بنعملها فى خلق الله
جيهان تضحك بقوة وفى تذكر :
فاكرة يا بت أكياس الميه لما كنا بنرميها من فوق السطوح على إللى رايح وإللى جى ونستخبى ونضحك
منار تضحك وتبكى فى ان واحد
منار فى شىء من المرارة :
ومرة واحدة الدنيا خليتنا نطفح الضحك إللى ضحكناه ونبكى بداله كاسات كاسات
حياة الدنيا قست عليها وفرقتها عن كريم وخلتها تتجوز صبرى وهى مبتحبوش
وأنا يا حسره خطوبه وراء خطوبه لحد ما السن عدى وراحت عليا وأدينى قاعدة زى قرد قطع
جيهان تترك البوفيه وتتجه ناحيه السفره وتلتقط من علبه سجائرها واحدة وتشعلها وتنفث الدخان فى شىء من الإحباط والسخرية
جيهان فى تهكم وضحك شجين :
وإللى خد إللى بيحبه عمل إيه كل محصل بعضه راح بن الكلب الواطى بعد سنتين من جوازنا ووقفتى الجامدة معاه بروح أمه يحب عليا واحدة روسيه من سناكيح روسيا إللى جم على شرم وإشتغلوا وإتجوزها وسابلى واد وبت أنا إللى دايره بصرف عليهم ده حتى السؤال ولا بيسأل عليهم يا شيخه الله يخرب بيت الرجاله على الحب والقرف دا إنتى سلطانة زمانك والنعمة
منار وهى تضحك فى مرح :
الله يخرب بيت إللى يزعلك يا شيخة لبستى وش الكلب عقدينى أكتر ما متعقدة لواحدة هاتى سيجاره جتك نيلة
جيهان تضحك وكذلك منار
الباب ينفتح وتدخل حياة ومعها الطفلان وتلقى السلام وتشاهد شقلبه البيت وفى ضحك ودهشة :
عملتوا إيه يخرب عقولكم
جيهان فى نبرة عادية :
تغير يا حبيبتى النفسية طالبه تغير إدخلى غيرى هدومك إنت
حياة تهز رأسها
الطفلان يدخلا حجرتهما
حياة تكاد تفتح إكرة باب حجرتها
جيهان تستوقفها قائلة :
حياة أنا لقيت صندوق خشب صغير مقفول وأنا بروق ومش عارفة أحطه فين خليته ليكى على السرير ألا صحيح بتاع إيه الصندوق ده
حياة تنظر لجيهان نظرة شرود طويلة ولا تجيب وتدخل حجرتها
ـــــــــــــــ قطع ــــــــــــــ
مشهد (7)نهار داخلى
شقة حياة / حجرة نوم
حياة تدخل إلى حجرة نومها تخلع غطاء الشعر وتضعه على كرسى التسريحه
حياة تنظر لصورتها فى المرأه تقترب أكثر وتشاهد بعض الشحوب على وجهها وكذلك الشعيرات البيضاء التى ظهرت بل تكاثرت إبتسمت إبتسامة خفيفة وإتجهت ناحيه السرير أمسكت بالصندوق وإتجهت به ناحية الدولاب لكى تضعه فيه وكادت تفعل
حياة تنظر للصندوق وصدرها يعلو ويهبط بقوة
حياه فى تردد بين وضع الصندوق وفتحه
حياه أخذت من رف الدولاب العلوى مفتاح صغير صدأ
حياة تتجه ناحيه السرير وتجلس عليه وتنظر إلى الصندوق
حياة تفتح الصندوق بيد مرتعشه وتخرج ما به
حياة تنظر للصور والمصحف الصغير والعمله الفضية الغريبة الشكل وإلى كارت صغيروشريط كاست
الدموع تنساب بهوادة وسخونه على خديها ونظرة الشرود تطل من عينيها مع الدموع الكثيفة
ـــــــــــــــــ قطع ـــــــــــــــ
مشهد (8) نهار داخلى شقة حياة / المطبخ
منار وجيهان واقفتان داخل المطبخ
منار تقشر الثوم وجيهان واقفة عند البوتجاز تقلب الوعاء الذى به الملوخيه
جيهان فى فضول يا ترى الصندوق ده فى إيه ؟
منار فى ثقة :
ده صندوق الأسرار عمرها كله جوا الصندوق ده
جيهان فى دهشه
معقوله تقصدى كريم ؟
هى مش قالت إنها قطعت كل حاجة
منار ضاحكة :
يا بنتى حد بيقطع شراينه ولا قلبه كملى الملوخيه يالا عاوزين نتغدى
جيهان ضاحكة :
شراينه وقلبوا طب يالا إفرمى التوم لا حسن الملوخيه حتقلب أهى
ـــــــــــــــ مزج ـــــــــــــــــ
مشهد (9) ليل داخلى / فلاش باك
شقة حياة / باب حجرة الضيوف من الخارج
حياة منحيه تنظر من ثقب الباب وتسمع الحوار
ملامح حياة بين الترقب والفضول
حياة هامسة وداعية فى خفوت :
يارب ......... يارب
حياة تنظر مرة أخرى من ثقب الباب
ــــــــــــ مزج ــــــــــــــ
مشهد (10) ليل داخلى
شقة حياة حجرة الضيوف
والد حياة ووالدتها وعمها جالسين مع والد كريم وأمه
والدة حياة فى ترحاب وهى تقدم العصير لأم كريم وأبيه :
والله إحنا زرنا النبى النهاردة يا ست أم كريم كنا كسرنا رجلين البواب عشان تيجى ده إحنا جيران
أم كريم فى سماحة وطيبة :
والله يا أم حياة مبخرجش كتير من البيت إنتى عارفة الولاد بس على عينى حبقى أجيلك إن شاء الله
أم حياة فى ترحاب :
تنورى يا ختى يا ألف خطوة عزيزة
أبو كريم ينظر لوالد حياه وفى نبرة جادة ومباشرة :
أبو حياة أنا يا خويا ماليش فى الكلام المزوق بتاع الستات ده بقا خير فى سلامة وسلامة فى خير إحنا طول عمرنا عشرة وجيره
أبو حياة فى حماس وتأييد :
طبعا يا جاد ودى عاوزة كلام
أبو كريم فى نفس النبرة :
عشان كده إحنا جاين طالبن القرب منك فى حياةو كريم أهو أخر سنه ليه فى الجامعه وشقته موجوده و........
عطا الله عم حياة يقطع حديث أبو شريف فى شىء من السماجة والسؤال :
عدم المواخذة يا أبو كريم
طب هو إنت حتصرف عليه وعليها مش نستنى لما يتخرج ويشتغل عشان يعرف يصرف على بيته
والد حياه يتنحنح وينظر لأخيه فى شذور
أبو كريم فى نبرة رزينة :
معلوم شغلانته موجودة حيمسك الورشه صنعه أبوه لحد ما يتوظف فى شركة محترمة وأنا موصى ناس ها قولت إيه يا أبو حياة
أبو حياة فى نبرة رضا :
على بركة الله البت بتك والواد ابنى بس أنا معنديش عدم المؤاخذة دخول وخروج أه الشرط نور
أم كريم فى حماس :
وماله يعقد عليها عشان تبقى مراته رسمى لحد ما إسم الله حارسها تخلص ويتجوزوا ها إيه قولك إحنا شارين حياة
أم حياة تنظر لزوجها
أبو حياة يهز رأسه
أم حياة تزغرد وكذلك أم كريم
جاد وأبو شريف يقرئوا الفاتحه
عطا الله ينظر ويبتسم إبتسامة مفتعله
ــــــــــــــــ مزج ــــــــــــــــــ
مشهد (11) ليل خارجى
شادر كبير به المصابيح والكوشة الجالسة فيها كل من حياة وكريم
كريم ينظر لحياه فى سعادة كبيرة
حياة تنظر لكريم فى حب كبير
كريم يقوم بتلبيس حياة الشبكة
النسوة تزغرد
جيهان ومنار يشدوا كل من حياة وكريم لكى يرقصا
حالة السعادة والبهجة تعم على الجميع
ــــــــــــــــ قطع ــــــــــــــــــ
مشهد (13) نهار خارجى
لا فته مكتوب عليها مدرسة السيدة زينب الثانوية بنات
حياة تخرج وهى حاملة الأكلسير الذى فيه كتبها ومعها كل من جيهان ومنار
حياة تضحك بصوت عال ملحوظ
كريم ينظر لها نظرة ضيق
جيهان ومنار ومعهما حياة يذهبن ناحيته
كريم فى غيرة واضحة :
مفيش فايدة فى الضحك بصوت عالى والمسخرة
جيهان فى مزاح :
جرى إيه يا عم الشيخ ممنوع الضحك كمان إركبى يا بنتى وراه الفزبكه ربنا معاكى
كريم يعض على ناجذيه وفى مزاح غاضب :
لسانك عاوز يتقص مترين يا جيهان
يالا سلام
حياة تركب وراء شريف وتمسك به بقوة
جيهان ومنار تلوحان للحياة وتضحكا
ـــــــــــــ قطع ــــــــــــــــ
مشهد (14) نهار خارجى
كورنيش النيل
كريم جالسا بجوار حياة على مقعد خشبى يشربا حمص الشام
كريم ينظر لحياة ويسألها فى صوت هادىء :
عملتى إيه فى الإمتحان الحاجات إللى ذاكرتهالك جت ؟
حياة تزفر فى شىء من الضيق وفى نبرة عتاب :
تحب نراجعها هنا ونكمل مذاكرة مش كفايا البيت هنا كمان يا كريم
كريم ينظر لحياة نظرة رومانسية ويضحك
كريم فى نبرة تجمع بين الدهشة والضحك والحب :
مش حتكبرى يا حياة ولا تعقلى حاسس إنى بتعامل مع طفلة بس كبيرة وحلوة حبتين وطعمة تلات حبات
حياة تضحك وتطلق تنهيدة وفى تصنع الإرتياح :
الحمد لله عقدة لسانه حتتفك وإيه كمان يا حبيبى يا روحى يا قلبى وعقلى ومولاى شهريار و..........
كريم يضحك ويتنحنح فى شىء من الخجل
كريم ينظر إليها وفى تساؤل وحب :
إنتى بتجيبى الكلام الحلو إللى يسحر ده منين
حياة تشير له ناحيه صدرها وفى حرارة ورومانسية :
من هنا كل ما ببقى سعيدة ألاقى الكلام يخرج لوحده وبكتبه كمان
كريم يمسك كف حياه ويشبكه فى كفه وفى حنان كبير :
هانت يا حبيبتى كلها كام شهر وأتخرج ونبقى مع بعض بابا بيوضب الشقه وإنتى قربتى تخلصى الثانويه وتكملى الكليه وإحنا مع بعض
حياة تطلق تنهيدة طويلة وفى دعاء عريض
يارب يا كريم يارب
ـــــــــــــ قطع ــــــــــــــ
مشهد (15) نهار داخلى
شقة حياة / حجرة النوم
حياة تبكى بنحيب وهى تحتضن الصور إلى صدرها
حياة تمسك المصحف الصغير وصدى صوت كريم فى حب كبير :
خليه معاكى دايما يحفظك ويصونك
حياة فى مرارة تحدث نفسها وهى تقبل المصحف :
كل حاجة فضلت جوايا ومعايا إلا إنت كان غصب عنى وإنت عارف بابا بعد كتب كتابنا مات بشهرين والزلزال جه وخد كل أحلامنا إللى رسمناه راحت الشقة والورشه وفوقهم أهلك الله يرحمهم وأنا كنت صغيرة مش قادرة أصد قدام عمى الله يسامحه على إللى عمله كل شىء راح لحاله خلاص ومحدش بياخد أكتر من نصيبه فى الدنيا ديه
حياة تضع محتويات الصندوق وتغلقه وتدخله فى الدولاب
ـــــــــــــ قطع ــــــــــــــــ
نهاية الحلقةالأولى
