*****الخيانه*****
عبيد
آه منك ياللي الخيانة بتجري في دمك
و أنا اللي كنت دايماً في حضني ضامك
لكن يا خسارة الخيانة و الغدر كانوا طبعك
مني
أسألني وأنا أجاوبك
ليه أنا خنتك
و إيه هى أسباب خيانتك
أنت مش ملاك
ولا البراءة محوطاك
عبيد
أنا طول عمري ما خنتك
و جوي قلبي دايماً صورتك
و علي عهدي من يوم ما شفتك
مني
أنت الخيانة دايما فى طبعك
هى الخيانة جسد ويا جسدك
دى خيانة الروح أصعب
أفتكر عيونك
وهى بتبص لغيرى
وشرودك وأنت بتحلم
بمواويلك
سبتنى أدبل بسبب إهمالك
والشيخوخة حاوطتنى
وأنت بشبابك عايش حياتك
ولا سائل
فى واحدة عايشة جنبك
عبيد
جايه النهاردة تقولي أهملتك
و أنا اللي بكل الحب عاملتك
إنتي اللي في قلبي رسمتك
إنتي أجمل حلم في حياتي حلمتك
مني
كنت محتاجة حبك
محتاجة حنانك
وياما ناديتك
ونبهتك
إنى محتجالك
وجاى تسألنى ليه خنتك
عبيد
كل ده مش سبب لخيانتك
أنا ياما كتير عاتبتك
لكن تعبت كتير من وهمك
و عذبتيني كتير بغيرتك
مني
لقيت اللى عوضنى حبك
اللى محتجاه منك
أخدنى فى دنيا
مليانة أماني
حسسنى بشبابى
رجعلى ضحكة عيونى
اللى ضاعت بسببك
عبيد
ياه منك يا قسوة قلبك
انا كنت فاكر إني ظلمتك
جايه و بتعترفي بخيانتك
الحمد لله إني عرفتك
و الأيام بينت لي حفيقتك
مني
معدتش تفرق معايا
ومعدش يفرق عقابك
هتسبنى روح وفارق
عندى اللى يسعدنى
ويعوضنى عنك
عبيد
بكره يجي اليوم و تعرفي إنك
ظلمتيني بكتر شكك و ظنك
و انا اللي حبيتك من صغر سنك
و كنت أتمنى الحب و العطف منك
مني
وأوعى تقول إني ظلمتك
أنت اللي ظلمت نفسك
لما بعت وخنت حبك
فأجنى بقا ثمار غدرك
وإنكوى بنار ألمك
عبيد
بكره نار الخيانة تكوي قلبك
لما يخونك اللي فاكراه بيحبك
ساعتها تفتكري قلبي اللي حبك
و تتمني لو أرجع تاني لحضنك
مني
أنا عمرى م هرجعلك
مهما جرالى فى بعدك
أنت نسيت هجرك
واللى حصل لي بسبب ظلمك
وصدقنى عمرى ما أفكر أرجعلك
عبيد
خليكي عايشة في وهمك
و أنا اعيش حياتي من بعدك
و ألقي حضن يعوضني هجرك
و مش ندمان إني خسرتك
مني
روح وحاول تغير من نفسك
عشان حياتك الجديدة متصدمكشى
وترجع تانى تعانى
من هجر وألم فى خيانتك
عبيد
إنتي الخيانة بتجري في دمك
و فاكرة إني أنا اللي خنتك
لكن غصب عني بعدت عنك
لما لقيت غيري متهني بحضنك
مني
أسكت بقا ومتسألشى
أنا ليه خنتك
أنا عمرى ما كانت
الخيانة فى طبعى
عبيد
كل مرة كنت أقولك
لا في قبلك و لا بعدك
وأنتي الشك كان طبعك
حاولت ياما أغير ملامحك
وكتير حاولت أصالحك
كنت أزعل منك و أسامحك
و كنت ياما أداري جرحك
مني
بلاش عتاب وقته فات
حياتى خلاص أنتهت معاك
وهبتدى قصة حب
من غير جرح وعذاب
وكفاية كدة وياك
ومتسألش ليه أنا خنتك
وقبلها أسأل نفسك
ده الخيانة بتجرى بدمك
وكفاية إنك
خنت حبك
*****الخيانه*****
بقلم الشاعرة /مني إسماعيل (Mona Nemo)
مع الشاعر/عبيد آل حريقه
18/4/2016
