أنا قد الموجة
أنا قد الموجة اللى راكبها
وأحلامي هقدر أعدى بها
ل بر أمااان وأرتبها
وإشهد يازمان على أيامي
وبلاش عليا تصعبها
خليني أحضر أقلامي
وأكتب حروفي وأثبتها
أنا قد الموجة اللى راكبها
وأحلامي هقدر أعدى بها
وإن كان العمر بيسرقني
أمالي ديما تسبقني
لا موج عالى يغرقني
ولابحر عن حلمي يفرقني
أنا قد الموجة اللى راكبها
وأحلامي هقدر أعدى بها
أنا جيت البحر وأنا شاري
وحكيت له كل أسراري
وأتارى البحر ولا دارى
أعزف ويقطع أوتاري
لا همه عذابي ولا ناري
ولا إني أكمل مشواري
أنا قلت يابحر و بعلنها
أنا قد الموجة اللى راكبها
لو حتى تكسر مراكبها
والدنيا تكرر متاعبها
والكل يكشر يعاتبها
أنا مش هتأثر وأحاسبها
خليها تكتر كراكيبها
مين غيري يقدر يلاعبها
ولما ابعد وأداعبها
ديما بتحود ودا عيبها
لو فيا تزود تجاربها
عليا أتعود أحاربها
أنا قد الموجة اللى راكبها
بقلمي/
أحمد محمد
