سوق المشاعر ه يحولوه
يا خلق هووووووه
لسوق نخاسة.
إن كنش عجبك
كلام فى سرك
ممكن فى قلبك
تاخد رصاصة.
أصل المشاعر
فى زمنا ده
مجرم خطير
محتاج حراسة.
تجار كتير وع الرصيف
فرشين بضايع
واحد مصحصح
للى يبيعه والتانى ضايع.
أصل بصراحة
والصدق راحة
سوق النخاسة بقى كبير
بس الغني عمره م يرضى
ف يوم يكون جنب الفقير.
ده قربه منه فى حالة واحدة
إنه يذله ويقول حقير.
سوق النخاسة
متلخبطة فيه البشر
واحد وعاوز يشترى كل الضماير عامل ضليع
وتلاقى واحد بسهولة برده ممكن يبيع.
هوة ده شكل الحياة
والفصول اتبدلت
بدل الخريف يكون ربيع
بقلمى
سلوى علي محمد
