(قصيدة ابو العيال )
يا حلو في الطعم ونازل من الجنة
هدية من الرحمن
بيقولو عنك هبة ولمصرنا منة
بتجري وشطك المشهود علي الجنبين
يجن العين
ويسحر شكلها الاوطان
من بطن أفريقيا وفي مصر تستني
يابوالعيال مالك علي الفقير غضبان
متغربة عيالك واتوحشك غلبان
جوه البلاد الغريبة
بلاد بعيدة عليك
بلاد طينتها الملح
ماشفتش نورها عنيك
يابو الخرير ألحان
ونهباك الغيلان
فرضين حصارهم عليك
ومغمينها عنيك
عن صاحبك الغلبان
ابراج ورا ابراج
يابو الهدير والعبير
لملم عيالك يانيل
وكفاية غربة وبعاد
صرخ الفتي عطشان
في الغربة من حرقته
وبلد مفهش حصاد
نادي عليك في الحلم
وظن انه في علم
سمع كلام الناس
عرف رغي العباد
علي ضفاف النيل
ونادي يابو الفرات
يابو البحيرات والفرات
لكن حلمه بسيط
هرب
سرح
طار
خلص مع الصبحية
مشفش بعده الصبية
مسمعش دوشة عيال
وسهرانين الغرام
ولا حبة الابتهال
مع طلعة الفجرية
مشفش ضحك البنية
وجرية الأطفال
مشفش ضحك العيال
يابو الخرير موال
علي ضفة الميه
#احمد حسين
