عالم البحار
========
سبحانه ربى جل علاه
خلق حياة واسماك فى مياه
عالم كبير موجود فى بحار
محيطات ترع وكمان انهار
يشبه علوم كده للانسان
ونبات وبرضه مع الحيوان
كله ياناس بنظام وتمام
حياة وموت كله باوان
يعنى ده كله بامر الله
سبحانه ربى جل علاه
ونزلت اغوص وفى بحر عميق
مليان سمك وكبير وسميك
وكأنى سمكة قشر بياض
اشوف حياة وكمان اصطاد
على كل شكل وحجم ولون
كبير صغير كله معلوم
وكان لوحة عظمة جنان
مرسومة روعة بايد فنان
مدن كمان وده فيها مرور
وفيها ضلمة وكمان نور
وعادات كتيرة عرفية
فى بيئة مالحة بحرية
وحكومة يعنى مع الوزرات
بعظمة دقة وفيها ايات
وفيها برضه غنى وفقير
وكمان كبير ونائب ووزير
اشكال كتيرة مع الوان
تشبه بدقة حياة انسان
وقروش وبرضه ويا حيتان
سطوة ونفوذ مع كتر المال
وأسماك كبار وبقوة كتار
تاكل صغار وفى كل بحار
بلطى وموسى ويا وقار
سردين بياض ممكن تختار
وجمبرى وكمان سبيط
وانواع عديدة فى بحر غويط
كله ده اسمه قشريات
ومرورها يعنى بالاشارات
زعانفها تشبه المجداف
لمركبة ماشية بملاح
او حتى ريش منفوش فى جناح
لطير وطاير كده فى براح
وفيها برضه كل محار
اشكال كتيرة مع الاسرار
وانواع بتتحور كسلاح
قدام عدو من اجل دفاع
وفى سمك ده كبير تعابين
طويل وضخم وسمه خطير
اكوان رموزها بفكر ايمان
بدقة خالص من الرحمن
كله يسبح فى خلق الله
ما توحدوه دايما فى علاه
والقاع ده فيه يعنى اشارت
سفن مراكب او طائرات
وبقايا كله حطام فى حطام
واثار امم وركام فى ركام
من يعنى سالف الازمان
اجيال وراها اجيال واجيال
وتحليلها كله كده بالدور
وقود وطاقة سولار بترول
ويعنى بعد الموت ده اكيد
بقاياها بتتحلل وتفيد.
مع تحيات الفقير الى الله
ياسر شرف كبير محررين مترجمين
باتحاد الاذاعة والتلفزيون
