صبية وطيف
نامت تخاطيف ............. فى ليلة صيف
شافت فى منامها ........... موضة تخفيف
خدعها جمالها...... لسه صبية بقلب نضيف
بصت لجيرانها .............. شالوا التكليف
بدأت تلميح أبوها و خالها ...اداها تصربح
لابسه فستان شفاف ألون... عامل تشريح
شافها فنان إستايله جنان .....شكله مريح
قالها ياغزال جسمك فتان...لازمك مفاتيح
أنتى فنانه نجمة شباك....من غير توضيح
راحت وياه تاهت فى سماه ..غواها صحيح
دارت الدوامه عليها ياما....... نازل تشويح
وزعيق و شخيط ................وكلام تجريح
كنتى مغمورة عملتك نجمة...بلسان فصيح
بقيتى مشهورة حلوة غندورة. وفوق الريح
يلا يا أمورة بيني فى الصورة شوية تفتيح
ظهر وبان أتاريه شيطان........ بشكل قبيح
واحد جبان حياته فوضى ..... بشكل مخيف
عضلاته مشدودة عامل إنسان طيب وظريف
وهو تعبان يلدغ ما يبان ...... استاذ تأليف
قامت من نومها ............ مفزوعه يومها
بتقول يا لطيف ........ مش عايزه الموضة
العيشة السودة ...............كدب وتزييف
أنا كدا مبسوطة بلاها موضة لبس وتخاريف
ادى الحدوته حكاية بنوتة ....جميلة و طيف
بقلمي /
أحمد محمد
