ياللي انتم ولاة امورنا .
خلاص مش لاقيين المم ...
مش احنا نور عيونكم .
راكبنا الف هم وهم ...
الناس مش لاقيه تاكل .
وحفظوا طعم الجوع صم ...
في ناس في النعمه غرقانه .
وناس مش لاقيه مم ...
ناس بتغير كل ساعه بدله .
وناس مش لاقيه قميص بكم ...
ياللي احنا نور عيونكم .
نور عيونكم بتنزف دم ...
ناس في العلالي ساكنه .
وناس في الجحور بتلم ...
بتجيبوا من البنك قرض .
يعني رايحين في رجل القرد وتشم ...
هيقولك شيل الدعم والغي .
وسيب الفقير يئن ...
والناس من الجوع هتخرج .
ومش هتعرف ليها تلم ...
الجوع خلاص اكلنا .
وعايشين في قهر وغم ...
عايشين في قهر وغم ....
فتحي وجيه .
