نزوة من شيطان
زيك زي السيجاره
هيادي قيمتك عندي
من غير ندم ولا خساره
الندم على وقتي معاك
كنت فاهم انها شطاره
ابلع من خبثك طُعمك
بس انا علقتك في سناره
زيك زي نفسها بلا معاني
بس لما تخرج ماترجعش تاني
كنت ليا بتتذوق وتتلون عليا
وكانت عجباك كلاليبي والحاني
حاولت تسجل اسمي بين ضحاياك
وبفضله فوقت لغدرك
وهاخلي جرحي يعلم فيك
وصعب تنساني
خلص الكلام بينا
وزيك زي السيجاره
اخرتك تحت اقدامي
قول عليا اللي في بالك
قول
كلامك ما كان له معنى
انما سم معسول
وخيوط وشبك بخبره
حواليا مغزول
رميتك خلاص
ومن الارض مش هاجيبك
ولا عمرك كنت حبيبي
ولا كنت حبيبك
انت فاهم كنت لعبه ليا
زي ما انا كنت ضمن الاعيبك
بس ياخساره
كنت فاهمها شطاره
ورميتك وبكل جساره
عرفت قيمتك
مجرد سيجاره
