عمل مشترك بيني وبين الشاعر بهاء اللبودى
.............. . .
#انا_الشاعر بوجع الناس
انا المعنى انا الاحساس
انا السابح فبحر خيال
وانا الصاعد لتب جبال
انا الفارس وانا الخيّال
ودايره الدنيا حواليا
....
انا الساهر بليل سواح
بأعد نجوم وقلمى سلاح
انا الزحمة اخرها براح
يهون الصعب ف ايديا
......
انا الساكن بيدى الحبر
انا البيت اللى عمده الصبر
معى الكلمة ميزانها التبر
وصايبة القلب والنية
يا أناااا
يا أنا الشاعر بوجع الناس
.....
بقلم
#بهاء_اللبودى
#مُوثق
أنت الشاعر اللي قلمه بندقيه
كل رصاصه بحرف تبكي عينيه
اكتب وارسم رجع بلدنا بهيه
****************•
انا كمان معاك
بسلاحي بكتب للعشاق
وبكتب عن طبع النفاق
بكتب عن التلاقي والفراق
*******************
ياصاحبي هوا كدا الشاعر
بيكتب اللي جواه ب مشاعر
واللي مش شاعر بقلبه ما شاعر
********************
تعالى نكتب عن الجراح سوى
مين حب ومين جرحه الهوى
وبين حروفنا نوصف دوى
للعليل واللي قلبه اتكوى
