&& كلمتين من خنقتي .. لأشباة الرجال &&
يا ما نفسي أقول لأشباة الرجال كلمتين
مش كل اللى عنده شنب يملى العين
الرجولة هى الجدعنة مش المسكنة
بلاش ترقق من كلامك وتبيع اوهامك
قصصكم محفوظة فبلاش والنبي خيبة
الكل طبيب نفساني وبيغني نفس الأغاني
هيقولك صدقيني أنا مختلف عن غيري
أبعتي بس صورتك دا أنتي أميرتي
طيب أحكيلي وفضفضيلي
صدقيني مش هتلاقي غيري
يا عم عيب خليك فى حالك
هترضى الكلام دا لمراتك
هيتعصب ويقولي
أنا مختلف عن الباقي
وملكيش دعوة بمراتي
والله أنت صعبان عليا
عامل برا زى الفرسان
وأنت فى بيتك غلبان
بص يا شبية الرجال
شكلي ووصفي ورقمي
وحياتي ونفسي
دول ليا وملكي
أنت مالك بحياتي
اهتم بس بمنشوراتي
انت داخل صفحتي
ولا داخل حياتي
لا أنت وصي عليا
ولا أنا صغيرة وصبية
نصيحتي روح اتعالج نفسية
بدل ما ترمي ببلاك عليا
مش مشكلتي أزمتك العاطفية
أسترجل بقى ولا أجيبلك بريل هدية
