خايف أكون ميت
شبه الليل حبي لكى ملهوش بيبان
وأنا فاتح شبابيكي و أنا السهران
أشباح و ضلمه حواليكى فى كل مكان
وقال مستني فجرك ينور كما الأوطان
أتاريني بحلم والحلم ويا الأمل غرقان
غرقان فى بحرك الواسع بقاله زمان
خيبان وزارع فى أرضك كام فدان
رويتهم عرق وكفاح و أنا الشقيان
ولا مرة فيكى شفت براح وأمان
ولا عاملتيني على إني أنا إنسان
صابر و الصبر مر علقم شقق الحيطان
لسه ف جسمي بيدقدق ويدور ع الاحزان
متهم و معايا بيحقق و فيا كمان شمتان
عمال يقلبني شمال ويمين ويجهز الاكفان
خايف أكون ميت جوايا نفس فرحان
بقلمي /
أحمد محمد الشريف
