★حنين الى الوطن★
ياوطنى بحبك بجنون
وهصونك ورب الكون
ترمينى
وأرجعلك تانى
أشكيلك همى وتزيده
وتضغط على جرحى وتقيده
تظلمنى وترمينى فى ضلمه
وعلى أرضك عايش فى الغربه
يا امى بصي لىه شويه
وكفايا عليه اسيه
★★★★
بحبك ياست الكل
وهلضم حبك ك عقد الفل
إقسى عليه كمان وكمان
هحبك حب
عاشق ولهان
★★★★
يا امى صعبان عليه
أعيش وأستنى الحريه
صعب أبص فى ترابك
الغرقان بدم أولادك
يا أمى كفايه عليه
أعيش يتيم
وأنتى حيه
مكتوب على جبينى الحريه
بلاش تمحى الأثر
يا أمى أنا مستنيه
تكونى لى دهر وسند
عوزانى أبعد يا غاليه
وأنا ماسكه فيكى بجلد
وبقولك كفايه حرام
والله شعبك غلبان
مستنى نظرة حنان
على قلب نبضه وقف
بعاتبك أيوه
من حقى
وعتابى خوف وقلق
★★★★
بحبك مش أدارى عليكى
وهشيلك فى العين والننى
وال يجى فى يوم يعاديكى
لا انا منه
ولا هو منى
بحبك حب فياض
مهما تأسى
ومهما تدوسى
هعملك تاج ع الراس
يا بهيه
حسنك جننى
وعشقك سلبنى الروح
ولا نفسى غير فى الحريه
وطمعانه فى ضمه بحنيه
من حضنك يا ست الكون
هتقولى عليه مجنونه
أقولك
أيوه مجنونه
مع كل ال بشوفه منك
أنا لسه بحبك بجنون
★★★★
2016/9/18