***** تراب الوطن غالى *****
ليه لما عرفت أن تراب الوطن غالى قولت لازم تبيعوه
إزاى تبيع الوطن وهوا ليك عمرة ماباعك
إزاى تخون الوطن وهوا ليك عمرة ماخانك
ماانت شايف أبنى و أبنك فيه بيتعلمو
وكمان موفر العلاج لما كنتو من المرض بتتألمو
والكل كانو ماشيين فرحانين وعل بعض بيسلمو
معقول ننسى نسمة هواء العصارى لما كانت تهفهف
أو ننسى غية الحمام والحمام طاير يرفرف
لما كنا بنمشى ع الكورنيش ونشوف منظر النيل الجميل
أو عربيه حنطور ماشيه مع صهللة الخيل العربى الأصيل
والله لو أنت تخاف على الوطن وتحبه بضمير
ماانت عايش فيه مفتح ليه عامل فيها ضرير
ليه بطلنا نزرع ونصنع وبنعتمد على الغير
كل همنا نأكل ونشرب طب منين هايجى الخير
يلا أقوم أزرع وأنتج خلى فى عندك ضمير
خلى عندك عزة نفس وأوعى تمد ايدك للغير
دا الوطن غالى علينا ومهما كان ثمنه ياناس
احنا عمرنا مانبيعهة واللى يبيع الوطن
يبقى خسارة فيه خيرة
وكمان مالوش فيه مكان
علشان نوفرة كمان لغيرة
دا ترابك ياوطن غالى علينا ولا يقدر بثمن
وأنا عمرى ما أبيعه لوعمرى هيكون الثمن
رضا حسب النبى
30/10/2016
