.........الجزء الثالث
حبيبتي انتي هنا والا في الجنه الووووو ياروحي ياسابقه روحي لروحك.
من حلم يُراودني
كلامك حسسني ان على عرش الدنيا ملك متوج في عيونك شايف كل ممالك الحب تحت أمري
ولما بضم ايدك في ايدي نبضي صوته يغني تسمعني كل نساء الارض واشوفهم فيكي
ولما بكتب حرف في كلماتي الاقي دواية مدادي متبسمه والمداد نفسه بيتسابق لقلمي عشان يكتب عنكِ وإليكِ
لما ف طريقنا مره مشيت لوحدي الزهور على جانبي الطريق بتسالني عنك والشجر كمان بيضلل عليا و كان ضلي ماشي جنبي بصورتك ولما اكلمك مايردش ترد العصافير عنك كانت تبلغني سلامك وانا مع الفراشات ابعتلك واقولك بحبك
طب هاقولك عارفه
موج بحرنا ايوه بحرنا اللي موجه ساكن شطنا روحت مره اشكيله منك قلت وحشاني روحت ولسه سيباني مفيش ده من ثواني كنت اكتب اسمك على الرمل تيجي موجه تحضنه وتجري مني و اضحك وارجع اكتبه تاني وتاني لاغاية ماعمري ينساني
..............