من همي قاعد بنفخ في سجارتي ...حافي
الحمل زاد والميزان مال حنىَ ....كتافي
اتوددلك و اتقرب منك يامه ....تجافي
عارفه يام الدنيا نفسي مره عليا..تخافي
واكلينك خاينينك سقعان لحضنك...الدافي
شايل من الحمول جوايه حمل ......جبال
والمرار في النفس طافح عايز......كيال
عافرت فيكي وليكي بس البخت....مال
اطلبيني افديكي بس بلاش.......العيال
لسه عودهم اخضر واللي كبر......شال
والخاين ماشي عايق فيكي ....يختال
كلاب مسعوره تنهش حرمانا....لقمتنا
عصابه دايره تحوش تكوش فين....لمتنا
ايامك يافتتة النابت خير على....طبليتنا
ناس غيلان كرهت وقت الشده....وحدتنا
بعتب عليكي يابلدي فين راحت..حضارتنا
ياولدي غني بهمك صقف ....بالكفوف
طبل على جراحك واعزف فوق..أدفوف
اصرخ ياولدي في كل خاين بلا....خوف
قوي قلبك قوم حطم كل.....ظروف
قول للخاين عارفك كاشفك اللعب ..ع المكشوف
