...... ياسيد الناس. ....
بتبكى دموعك حرقانى
تنزل على خدك تقيد ناري
أقول وأعيد أنا من تانى
يا أبو حمل تقيل
لو كنت فقير
ولا الغلب هد كيانك
الأرض دى مش عجبانى
تعاله نشوف كوكب تانى
كوكب خالى من كل فساد
لافيه عبيد
ولا فيه اسياد
ولا وشوش متغيره
للغدر هى مدبره
.... ياسيد الناس ....
سيبك منهم
لا عمر الطبع هيتغير
ولا الملايكه هتكون بشر
رجع قابيل
ويا هابيل
والدم سيل
ذى المطر
الميه جفت عندنا
وبالدم بتتروى أرضنا
هتطرح إيه غير جماجم
والعقل ضاع وٱندثر
...... ياسيد الناس .....
لو همك فاق كل البشر
ودمعك اصبح شلال مطر
مستنى مين يجففه
وإنتى بتبكى فى الخفاء
خايف يضيع الكبرياء
اصرخ صرخه تهد الجبال
وتزلزل أوصال الرجال
وقول أنا لسه هنا
عايش أهو بين البشر
.... ياسيد الناس. .....
إضحك ورينى ضحكتك
هتزيل عنك شدتك
وعيش أسد بين الرجال
الفقر عمره ماكان حرام
ولا كسر ولا هوان
إمسح يا غالى دمعتك
الأرض دى أرضنا
ولا تحلى إلا بطلتك
..... ياسيد الناس. ....
إوعى تسمع كلمتى
وتقوم تبحث عن كوكبى
مافى كوكب غير ارضنا
كل الكواكب بدون بشر
والأرض فيها ما تنداس
هبعد انا عن الأحلام
واعيش واقع مع الإنسان
هكون صلبه كما الجبال
وهتكون انت فيها وتد
#سناءأبوطبل
