بكتب وقلمي سلاحي في ايدي
والمداد من دواية قلبي و وريدي
ذخيرتي ولادي ومعاهم حفيدي
ويوم شهادتهم عشانك يوم عيدي
قصفت خلاص قلمي الضعيف
والا خايف على عمر ولا رغيف
هاخطي عشانك نار لو كفيف
ماعدش كلامي لونه رصاص
وهاكتب بكل جراءه خلاص
وحروف قلمي لها واقع رصاص
من قدرنا لا مهرب لا مناص
هارسم بُكره معاكي يابلدي
عشان اعيش فرحان فيكي بولدي
مهما تعبت واخدتي من عرقي وكَدي
يوم مجدك ياغالي يوم فرحي وسعدي
دايما سلاحي منور على كتفي
حارس ليكي لما تفرحي وتصفي
اكتبيني عايش ع ارضك متوفي
ولادك كل يوم بتروح ماترجع
والخاين فرحان عايش بيخدع
تضحي بنفسك لمين ولمين بتسمع
انت لغير ربك ياخاين بتركع
فاكر ان بموتك الخسيس ده هاتشفع
دمر بيوت دمر أُسر اعمالك عليك هاترجع
حسن سعيد
#أيكادولي
