لا تقطفي. .بقلم الشاعر. .صبحي ياسين

بموت فيكي يابهيه
~~~~~~~~~~~~~
يامصر بلاش تترقصي على آهات ولادك
وتمدي أيدك لكل من ف الشده خانك
أنا أللي بموت فيكي وبتمنى أحضانك
ترمي بنفسك فحضن من سبك وهانك
كل يوم أخلط كدي وعرقي بمسك ترابك
لجل مانزرع الهنا وتتهني و تنسي عذابك
لكن ياخساره نتعب أحنا و تسعد كلابك
فوق بعض رص رص زي ورق كتابك
ومكتوب أنا شهيد و روحي قُربانك
ولا أعيش يوم عاجز ودبلانه أغصانك
ندر عليا ياغاليه لارجعك غُره مكانك
ولا تلاقي كلب يعوي ويقرب من كيانك
هالملم جنبي كل أصيل من ولادك صانك
مننا كتير يابلدي خير الجنود أجنادك
من قديم الأزل أسياد و وحوش أحفادك
دوسي برجلك على من ظنوا إنهم أسيادك
قولي اللي ع الحدود دول خيرة ولادك
واللي في المصانع بأنتاجهم دول سُنادك
لملمينا حواليكي تعبنا ياغاليه في بعادك
حسن سعيد ابراهيم
#أيكادولي