ألف معنى
~~~~~~~~~~~~~~
صوره وفيها كلام وآلآم بألف معنى
تحرك الاحزان ومنها تجري دِموعنا
وقولنا عنها كتير في قصص و مغنى
كتبنا من همنا وعن مواجعنا
فقرنا مش عيب وماله ماقولنا إشمعنا
صرخنا ياما و أهل القمه ماحد سامعنا
يا والي القلعه ياللي بالخير دايما معشمنى
زبانية الابواق بسياط لِسانتهم بتلهبنا
إحنا معاك هانصبر لكن أبعد اللي ناهبنا
كل دسيس خاين حرامي أعمله عِبره
تمر المحن تنكشف عنا هموم سنينا الغَبره
تحلو عيشتنا في أم الدنيا بدل العيشه المُره
ترجع مصانعنا وعُمالنا صوتهم يزلزل كل نَكِره
صدقني هانخطي الصعاب ونحقق حلمنا ِبُكره
مد أيدك لأيدنا وحد خطاوينا وإسمع مننا فكره
لملم الوطن حواليك ولا تسمع لناس همهم سِرقه
كدابين خاينين ليهم مهرب في المصايب سكن بره
مع أول شده يجروا على بره أحنا في شده وهما في مَسره
دي ناس عاله علينا نفوسهم مسمومه في الوطن مُضِره
ترجع مصر بين الشعوب عزيزه فوق جبين الدهر غُره
حسن سعيد ابراهيم
#أيكادولي
