الجزء الثاني
رحله في وشوش مصريه
...........
فاجئه وبدون مقدمات ومع مرور الكمسري ظهر راجل في سن الخمسين بيوزع احتياجات للبيت كيس فيه مجموعة خيوط الوان جلد حنفيه وانبوبة بوتاجاز مكن حلاقه امواس مشاط صغيره الخ
انتبه الكمسري للراجل تلقائيا ميل عليا الكمسري وقالي اسمع الراجل ده انا متابعك حاسس انك بتسجل اللي بتشوفه عينيك.
اسمع يابيه اسمعي ياهانم اي حاجه ب جنيه كل حاجه بجنيه قبل ما يغرق ولا يعوم ولا يمكن يبرد يلبسوه هدوم
كله بجنيه ولا تقول بياع كلام ولا تمثيل وافلام ولا حتى طارق علام.
اسمعوني
انا كنت راجل عامل في مصنع غزل كبير اتخصخص المصنع ومعاش مبكر من غير مايخدوا رايك ولا تفكر خدلك قرشين وانت صغير اعملك مشروع وكان عندي 3بنات من ابتدائي ل ثانويه دروس وتقويه من عصابة الوزاره اللي لا تعليم ولا تربيه ضاعت المكافئه واتخرجت بنتي من الكليه قلت تساعد في مصروف البيت واخوتها جالها عريسها يطلبها كان زميلها في الكليه قالي ياحاج انا شاري قلت يابني معَيش ومفيش ستر ربنا عليا قالي انا شاري واتجوزت البنت ياخساره كان كداب وخسيس قطف شهدها ورماها كان طمعان فيها وهيا عفيفه استغل الحوجه وقلت حالنا ودخل من الباب وهرب من الشباك.
والبنتين واحده كفايه عليها الثانويه والتانيه الاعداديه .
انا بسالكم المساعده للعلاج الا الاخضر غلاه علينا ومفيش تامين علاجه كله ريفوا واسبرين فاكرين ولاناسين كل حاجه لسه ب جنيه ايوه الجنيه الي منكم عطف وحنيه من الغلابه اما الديابه اعوذ بالله نار تكويهم.
اخيرا الراجل اللي جنبي صحى
لامؤاخذه يابني احنا فين دلوقت هانت يابا داخلين على القاهره يااااااه القاهره ايوه ياحاج دانا نمت كتير انت نايم من اسكندريه ياحاج سامحني يابني انا رايح جاي في القطر بيتي وماليش غيره ازاي يعني هاقولك ايه قول ياحاج انا سامعك ولادي الحال داق بيهم والعيشه نار كنت بساعدهم بمعاشي استكتروه عليا دخلوني دار مسنين وسابوني واخدوا المكافئه بعد 30سنه شغل حكومي وفضلي انا معاشي اخدوا شقتي جوزوا ابني الصغير ورموني اخوهم يعني وماليش حته اروحها اركب من اسكندريه للقاهره وابات فيها اي مكان يؤويني وخلاص والصبح اركب اروح اسكندريه والعكس رايح جاي مره انزل طنطا مره انزل بنها المهم ان القطر بيتي ومكاني ومعايا كارت المعاش والبطاقه وشنطتي فيها غياري كل جمعه ادخل جامع انضفه واستحمى واصلي واديني مستني ساعتي.
اخدت الراجل بالحضن وسيبتله رقمي في اسكندريه عرضت عليه مبلغ رفض قالي اديه لابوا البنات ربنا يعينه عليهم
سلام سلام..
واحد شاب شكله مشاكل بيفوق من تواهانه على صوت الكمسري بيكلم واحد شكله مبرشم ومشاكله معلمه على وشه عاهات مستديمه شويه وكان هايضرب الكمسري والناس كالعاده السلبيه والبعد والخوف من توابع المشكله منعهم يتدخلوا فيها واحنا مالنا شعار الكل خلينا في حالنا.
نزل الشاب من على شبكة الشنط ومسك الواد الصايع لطشله وكان هايحدفه من القطار لكن الكمسري اترجاه وسابه يقعد على الارض ادام باب العربيه .
ولاقيته بيكلمني هات سيجاره قلتله مابدخنش قالي يابختك استغلتها كلمه وفتحت معاه كلام ليه وانت ليه ماتبطلهاش ضحكه حزينه مالهاش طعم صدرت منه.
قالي عارف انا كنت وحيد اهلي دلع وبغدده وكل حاجه متوفره سافرت وسيبتهم اشتغلت واعتمدت على نفسي كونت نفسي ورجعت اتجوز عملت مصلحه على اد فلوسي كشك في حارتنا صغير قلت اعيش جنب امي وابويا واعمل بيت واهل الحته فرحولي وفي يوم كل الحلم اتهد الازاله واشغال الطريق جاين يهدوا عماره مش مرخصه المقاول ظبطهم و لكن في السكه خدوني هدوا الكشك واتعملي قضيه حبس 3سنين ومن ساعتها وانا هربان هنا القطر بيتي والكمسريه اهلي والكلب ده كان بيتخانق مع واحد من اهلي ده غريب مش من قطرنا.
زي كده لما نشتم في البلد والحكومه احنا ولادها وهما مننا لكن لو كلب شتمهم من بره البلد مانستحملش. سلام
وخد بعضه وقام بعد ما اداني درس في الوطنيه
حسن سعيد ابراهيم
#أيكادولي
