لا تقطفي. .بقلم الشاعر. .صبحي ياسين

ع المدينة
............
يالا بينا ع المدينة
ليلها نهار صخب وزينة
ورد وزرع جوة جنينة
أغانى وفرح هالل علينا
وإحنا هنا فى المدينة
فيها كمان وشوش حزينة
محطوطة جوة فاترينة
ممنوع اللمس والكلمات سجينة
البسمة فيها عزيزة وثمينة
قالوا بينا ع المدينة
روحنا فيها ضعنا وأدينا
راجعين بجروحنا وماضينا
ندعى ونقول الله يداوينا
ماكل شىء فيها ناسينا
هى كده هى المدينة
ليلها نهار صخب وزينة
آه منك يامدينة
أخدتى كل شىء ماخليتى فينا
أخدتى دمع وفرح وماسكة إدينا
سهرتينا وعلمتينا إزاى تبكى عنينا
إزاى نلوم ع الحب والعيب كله مالينا
آه منك يامدينة ... آه منك يامدينة
...............................................
نهى صفوت  .......... عامى