( #ليه الرحمة في #رمضان )
انا المحني باحمالي و بتسند علي الكنبة
تملي عليل و بالي طويل مليش غلبه
انا ايامي منكوبة ومتعود علي النكبة
انا همي ملازمني واه لوتفرج الكربة
انا العايش. كأني غريب وفي الغربة
انا الخايف وبتداري. من الرهبة
انا اللي ماليش ولااطماع ولا رغبة
واملي اصلي. واملس. علي الكعبة
انا ميراثي. كفن صدقه. مع التربة
انا. اللي راضي بالنعمة. ولوحبة
انا النملة اللي جمب الحيط بتتخبة
انا اللي. باخد الباقي من النخبة
انا حلمي يادوب. اقصر من الركبة
انا. اللي كل احلامي بقت. صعبة
انا الشقيان و. حلمي عيالي تتربي
انا اللي حسابي ورصيدي فلوس فضه
الاقي جنية وافرح بيه ولوصدي
بحط دراعي تحت الراس بقي مخدة
بنام من كتر احمالي بنام دايما من الهدة
انابشبع باي غموس وعيش بلدي علي الردة
بخاف افرح مع الفرحة منااتعودت عالشدة
و لو فكرت اطلب يوم يكون الرد بالحدة
بخطي وحدي مشواري ومتعود علي الوحدة
ولما تقفل الدنيا بروح عالمسجد اتوضي
انا بلجاء لرب الكون واقول الدعوة فالسجدة
ومن كرمه يعدي اليوم الهي كريم وانا عبده
اله بيقسم. الارزاق وكل الرزق من عنده
وانا راضي بتقسيمة في كل صلاة انا حمده
بفضل الله انا عايش وبسعي لرزقي علي ارضه
ومش محتاج لرحمتكم انا حاجتي اليه وحده
قلوب رحمتها في رمضان مع اخره تعود جامدة
ياخلق الرحمة مش بمعاد وحسناتها اكيد قاعدة
ويكفيني فيوم الحشر انا هبقي العزيز عنده
لاني ماشي بكتابة وكل اذان اقيم فرضه
منا اللي بقسم اللقمة مع الشقيان واكون سنده
ماهي بتهون علي الغلبان لواللي معاه علي اده
ولونحسبها بالميزان انا بفقري كريم عنده
ياخلق الله ده من يرحم اكيد يرحم صدق وعده
ده وعد الله لخلق الله ووعد رسوله من بعده
ياريت نرحم ياريت نفهم ده ملك الله ودي ارضه
في لحظة يبدل الاحوال و أرزا قنا بإيدية وحدة
قلوب هتلين علي رمضان وباقي العام تعيش جاحدة تحياتي الشاعر/ عاطف خير
سمير الخولى حسن سعيد فارس ابو تريكه سامى محمود حنفى