عم عكاشة
جانا النبأ التالي الآن
عم عكاشة باع الدكان
قال أعمل زي علي الفران
أنتج شريطين وأبقى الفنان
أنا عندي البحة في صوتي رباني
أفقع موال تقاضيني وداني
علشان صوتي خرم طبلتها
تدعي يجيلي شلل في لساني
غيرانة مني لأني بغني
وهى ياعيني ماهيش سمعاني
صوت الرعد مايجي حاجة جنبي
إسألوا عني سقف جيراني
وقع على راسهم وانا إيه ذنبي
إللي بنى سقفهم الجاني
اتلموا عليا أهل الحارة
قالولي أغني مابين جبلين
أو أحشر صوتي في أي مغارة
ولا نقولك ماتغنيش
إيه ذنب الدببة والخفافيش
وفي أخر الحلقة وعبر الشاشة
يناشد أهل الحارة عكاشة
بطل مغنى وجعت دماغنا
بتنهش فيها كلاب هباشة
بقلم طارق السيد
