قصيده...... بعنوان.......لما تروح الجامعه
لما كنت
لسه بيبى
كانت عينى
عليك ف اللفه
قلت ياأبنى
أمتى تكبر
وأفرح بيك
وأعمل لك زفه
يوم ورا يوم
كان بيعدى
وانت بتكبر
وأنا على وعدى
وأدى الحلم
خلاص اتحقق
شايفك يا أبنى
بتنجح دايما
وب تتعلم وبتتقدم
شوف وتنور
جرب دور
ولاتتحير ولاتتهور
يا اللى زمان
كنت صغير
دا انا ب أتبها
بيك علطول
واما بشوفك
دايما أقول
انك سندى
وعزى وضهرى
واما نجحت
وخدت الثنوى
قلت ياأبنى
لازم اتكمل
وانا هأصبر
وياك وأتحمل
بس نصيحتى
ليك ياحبيبى
لما تروح
الجامعه هناك
خليك ناجح
وانسا هواك
خلى مبادئك
عايشه معاك
واما تصاحب
أوعى تصاحب
أنسان فاشل
مهما غواك
اصل الناس
ياأبنى هناك
اللى بيصلح
واللى يداوى
واللى تملى
زى الحاوى
ومقضيها فسح
وقهاوى
ع التعليم
دايما مش ناوى
واما تصاحبه
راح تتأخر
عايزك تنجح
وب تقدير
واللى هتتمناه
هيسير
واثق فيك
وأملى كبير
عمرك يا أبنى
ما هتتغير
كلمات الشاعر محمد ثروت عبدالحفيظ