لا تقطفي. .بقلم الشاعر. .صبحي ياسين

لو حبيب..ليا بصحيح..
عايزة وعد. يكون صريح
تبقي ليا..وابقي ليك..
حب دايم..كون. فسيح!
ضهر وقت الشدة يسند.
يبقي ليا دراع..مريح.
لو حبيب..ليا بصحيح
خلي بينا م..الصراحة
والمودة..والوضوح..
إللي يبني..بالأمان..
وإللي بيطبطب حنان
وإللي يمسح من عيوني
دمع. دام لي من. زمان.
خطه. حظي و ف كتابي
كان تملي..وبفصاحة..
يضني عمري..وبوقاحة..
كنت أصبر..ويعاندني.
      ويصارعني
ياما..عشته..
         ويعاملني بالبجاحة
لو حبيب..ليا. بصحيح..
خلي قلبي. يعيش. سنينه
جوه نبضه..سعيد بيضحك
خلي جوه عنيك...آلاقي..
نظرة توعدني..بأماني!!
كن. لي فجري والليالي..
مش أكيد..الحزن. دايم..
جاي بعده كتير..آيادي..
تفرش الورد...بدروبي..
وبحنيني. أروح لقلبك..
ألقي دربه يقول. تعالي
لسه مستني.  بآمالي..
من عيونك..والحكاوي
يبتدي بيني..وبينك..
عمر جاي لنا..بحنانه..
يدي لينا كل..شوقه..
بعد ما حرمنا.. وأخدنا
ف سكة كانت مش عشانا
بس كانت. مكتوبة لنا..
سارقة منا ف كل حين..
فرحة راحت ف السنين.
لو حبيب..ليا بصحيح.
يلا. بينا..نبتديه!!
     حبنا الحلو..الآمين..
((بقلمي/صفاء مصطفي الخواجة ))