لا تقطفي. .بقلم الشاعر. .صبحي ياسين

اعمل عبيط 
وإدخل برجلك في الغويط 
وان قالوا حاسب 
ماتحسبش 
بس خليك واد حويط 
وماتترسمش
الامر ابسط م البسيط
الدنيا عين وانت اللي رمش
فماتساومش
علي حق ليك
وإغسل ايديك
من ذنب نيه وماتعملش
من حلم عمره ماتحلمش
من علم غايب ماتعلمش
وسره فيك
اعمل عبيط
واضحك في وش الليل بصوت
واللي بيتمناك تموت
واللي من تحت الحرف شال الخطوط
علشان معاني الحب تتفرق تميل
اعمل جميل
في كل من قالها بعشم
محتاج وجودك وإبتسم
وكان غشيم
فحرك الاحساس وغاب
غازل فضول الناس وعاب
وفي عز عز اللهفة ساب
قلبك سقيم
#عادل_عوف
#إعمل_عبيط