ولا تزعل ولا تضايق
ده كل شئ ح يهون
والخير ح يجي سايق
فرحة بحجم الكون
بس انت قول يارب
وخلي اليقين واثق
انه الرحمن يكون
مهما ابتلاك حنين
وبكره والله تكون
بتفتكر كل اللي ضايق
قلبك وخلاه حزين
وتضحك ضحكة عمرك
ما تضحكتهاش ف السنين
بس انت صفي قلبك
واجعل عنوانه خير
وانسى الشر اللي جنبك
تلقاه دخان يطير
وخليك دايما فاكرها
ايوه الدخان بيخنق
لما بيكون مسيطر
وحواليك بيكون كتير
لكن حبه حبه يبدأ
يختفي ويروح بعيد
وساعتها ركز ح تلقى
البسمة جواك تسير
واحدة واحده تطلع
تملى وشك ف تضحك
وتقول والله خير
كلمات / سامى محمود حنفى