لا تقطفي. .بقلم الشاعر. .صبحي ياسين

تخاريف مسائيه..
-----؛(1)؛----
شايل همومى الفقيره
وماشى فى العتمه
بحلم بلقمه فطيره
اعمل بها ختمه
------؛( 2) ؛----
الموت يعدى السور
مهما يكون عالى
وقدرى كتاب مسطور
بيحكى ف احوالى
------؛( 3) ؛----
صامد لحد الموت
وكل شئ جايز
ممكن أعلى الصوت
بس مانيش عايز
-----؛ (4)؛-----
السم سارح فى العسل
وطعم العسل غالب
جدع وغرقان فى الكسل
واكل منه وشارب
صرت عبره ومثل
لما عملت ضهرك قارب
-------(5)؛-----
شايل همومك يا الوطن
حمل على كفى
ولو هجود بعمرى
كمان ما يكفى
عصفور فى ضلك
نايم ومتدفى
بس الغراب اللئيم
جايله ومتخفى
---------(6)؛----
غرقان واناعطشان
والميه كانت ملح
عاشق انا ولهان
فى قلبى كام جرح
بحاول اكون انسان
افهم بدون شرح
فى كل بذره شيطان
رافض يشوف الطرح
إبراهيم معوض ..