أيوا واحشني وعايزة أشوفك
رغم القسوة ونزف جروحي
مش راح أضايقك
ولا راح أعاتبك
عهد عليا ووعدتولك
قلبي بيسأل عن أحوالك
عايز يعرف إيه أخبارك
خايف. حاير. وأنت تحاور
ومفيش ليا مكان في حياتك
ليه شدتني إليك بحنانك ؟
ليه تشوقني بكل آمالي
وأجري وأروح لك
أرمي هيامي ف قلب هيامك
لحظة آلاقي القلب ف عالي
فجأة عذابي. هواه بيحلالك
أرجوك قولي ياريت طمني
عايز مني أكمل. بوحي ؟
وإلا أتقوقع جوه ف نوحي ؟
وأبعد وأنسي ف حضن مآسي
أدفن نفسي وأسيب إحساسك
إللي ماليني بشوق وأماني
أرجوك قولي صريح ومباشر
بَلا تلميح. بَلا كُتر دعاوي
أنا إحساسي بكل صراحة
يملا أغاني ويملا دفاتر
بينه وبينك ده مفيش ساتر
واضح. رافض يوم إهمالك
عنده كرامة ماتسمح يبقي
حمل عليك.ومضايق روحك
لو مش عايز قُربي صارحني
باقي عليا وعايز حبي ؟
وإلا عايزني أفوتك و أبعد ؟
خليك واضح. رُد وقولي!
((بقلمي/صفاء مصطفي الخواجة ))
