ليه يا وردة لما غبتي
سبتي شوكك بين إيدينا
خدتي لونك
خدتي ريحتك
والظلام عشش علينا
بس برده يا ملاكي
تبقي جوة
قلوبنا ساكنة
وف ضميرنا وف عنينا
ده الشيطان لما شافنا مكسورين
قال يروح يتسلى بينا
بس لأا
وألف لأا
مش هنقسى ع البراعم
مهما شفنا
م الشجر تجريح وشوك
ايوة لأا
إستحالة
إن صوت الظلم يقدر
إنه يهزم عرش رفعاه الملوك
إحنا عارفين الحقيقة
الظلام كان أصله نور
والقدر مكتوب وحتمي
لو بنينا ألف سور.
بقلمي سلوى علي محمد
