فتح المزاد
قرب قرب خش لجوة
يلا مزاد ألا أونا ألا دوا
أغاني زمان وأغاني دلوقت
على مين يرسى مزادنا دا هو
جفنة علم الغزل
كلام قديم منذ الأزل
كلمة حلوة ولحن حلو
عاش زمان ولم يزل
لما يوم رق الحبيب
وإلتقاه عند المغيب
سحر لون شمس الأصيل
يسعد أوقات الحبيب
والربيع عاد تاني من تاني
يخضّر ويزهزه بستاني
واللي هرب مايبان في الصورة
واللي بنى مصر الحلواني
ياللي في البلاد سواح
ياللي للقمر مداح
ياحليم بلاش عتاب
السماح طبع الملاح
والمونولوج كان زي الموج
عالي في بحر الإسكتشات
وإذا كان دا شرط البهوية
يحيا العدس عشر مرات
أدي أغانينا بتقول ليكو
إسألوا عنا مزاج أهاليكو
هيقولوا إن أغاني زمان
تضرب بالجزمة في أغانيكو
نرد عليكو بكل ألاطة
وتقولهالكو بكل بساطة
بسيطو بسيطو
أغانيكو فنيتو
أكل عليها الدهر وشرب
وبعد ما كل حلى بمعاليكو
بسيطو بسيطو
كان فيه وفنيتو
وهنقول كلمة تجيب الناهية
وكرداسة أقرب قوي من ناهيا
يكفي الناس بعد أما نغني
يتنحنحو ويقولوا شفيتو
وإحنا نغني يعيش جمهورنا
وتعيشلنا دايما شلاليته
بسيطو بسيطو
كان فيه وفنيتو
إرجعوا تاني
ياريتكو ماجيتو
ياللي مزادكو
علينا رسيتو
بسيطو بسيطو
قوللنا شفيتو
بقلم طارق السيد
