مش بأندم علي وقتي معاك
أنا بأندم علي قلب هواك
وف أول موقف قدامك
كان ظلمك والهجر. معاه
وف وسط البحر و أمواجه
إيدك مع قلبك. و رماه
و رميته بقسوة وبهتان
ونسيت له وفاءه و أخلاصه
و لا هَمك غُربة أيامه
و لا دمعة عينه ووجدانه
ولا حِمل وكان شايله معاك
مستني يكون هو دواك
يا ناسيني و ناثر أوجاعي
وواخدني لواعر أحزاني
بأدعي لك ما تدوقشي آلامي
و يعينك ربي و يرعاك
و يشيلك من جوه دمايا
و يرجع قلبي إللي معاك
((بقلمي/صفاء مصطفي الخواجة ))
