تلت التلاته فرس
لاعمره مال للخرس
ولا طاطه يوم لعليق
فاتح في صدر الضيق
طاقة بالبسمله
قلبه طليق في الخلا
تلت التلاته إنجلا
وإستحمل التفاتيق
ماشى لواحده طريق
والضلمة سجاده
الضلمة بحر غريق
نداها كالعاده
تبلع تلات أتلات
وتغرق الحكايات
وتكعبل الحسابات
وخسارة بزيادة
والضى ليه هربان
خلف الشجر وبعيد
خجلان ورا القضبان
قطر السعادة بليد
لا هم بيه حركه
ولا هان عليه يحرجه
ولما قال أشركه
قطع فى قلبه وريد
تلت التلاته فرس
فى كل يوم يتقرص
لحد لما إتخرس
وتاه يا خلق شريد