قصيده بعنوان....... إرحم يارب أبويا
يا اللى معاك أبوك
قوم يالا بوس إيديه
ف الدنيا هو سندك
ف الشده هتلاقيه
................
إوعاك تقولى عمك
ف يوم هتميل عليه
ده حضن الأب دافى
وحنانه زيه مافيه
...................
دايما شايل همومك
حقه عليك تراعيه
ياما ضحى عشان يصونك
ولاشيئ بيبخل بيه
.....................
الدنيا عذاب وحيره
وطريق الشوك ماليه
ياريت أبويا عايش
كنت أحكى همومى ليه
..................
إرحم يارب أبويا
رحمة ملهاش مثيل
طول عمره كان معايا
ولا لحظه كان بخيل
....................
من بعدك عشت ياأبا
تايه ف طريق طويل
ولا لاقى فرحه باقيه
وتاه منى الدليل
....................
كلمات الشاعر محمد ثروت عبد الحفيظ