يا إللي زهدت الدنيا وخايف
سيبت الفرحة. بعدت خلاص
عَبر دايما عن إحساسك
إبني لعمرك حلم. أساس
حُب القلب جميل و دليل
إنك عايش. و بتتعايش
شايف دنيا عليك بتنادي
و إنك نابض بين الناس
حقك إمسك فيه للأخر
أضحك و أملا الدنيا أماني
حاول. حقق ف الأحلام
خلي حياتك فيها حماس
ما تأجلش سعادة يومك
لو نعتوك بكبير و عجوز
هد.سدودك. فُك قيودك
إزرع أرضك خير بالفاس
أوعي تخاف من بحر وموجة
ثبت قلعك ويا سفينك
واجه دايما أي عواصف
بدل مُرك جوه الكاس
لو سلمت ليأسك ذاتك
و أتعودت تهين ف حياتك
أحفر قبرك و أحضن كفنك
و أتصور سيلفي بإحساس
((بقلمي/صفاء مصطفي الخواجة ))
