لا تقطفي. .بقلم الشاعر. .صبحي ياسين

صاحبي وأخويا النهاردة مات
بقلم/تامر المأمور
مالك ياقلم مالك ساكت ليه
بتشوف وتسمع اللي يجرحك
ويأثر فيك ممكن تقولي مالك ساكت ليه
مالك بقيت جبان عايش دور الغلبان
مالك بقيت شبه الانسان
ابكم مع انه لسانه طويل
أصم وهو بيسمع دبيب النمل في عز الليل
اعمي وهو يشوف من علي بعد ميل
كفايه خوف هو انت هتموت ميت مرة
دي هي مرة واخر مرة
اصرخ ياقلم بأعلي صوت
واقتل جواك معني السكوت
وأكتب وأعمل من البحور حبر
صاحبي وأخويا عاش بطل ومات حر
رفع رأس امه وابوه ورفض يعيش في ذل
راجل ودمه علي ارض يدل
اصرخ ياقلم بأعلي صوت
واقتل جواك معني السكوت
صاحبي وقف وقال يا مرحب بالموت
صقر يا صاحبي وليك في السما علامات
صقر وفارض في السما جناحات
اصيل يا بلد ومن اهل الأصول اتولد
اتولد راجل بس بدون شنبات
صاحبي واخويا النهاردة مات.... بقلم/تامر المأمور